Forsvarskommisjon, nemning på kommisjonar som er oppnemnde ved kongeleg resolusjon for å vurdere og eventuelt føreslå endringar i organiseringa av Forsvaret. Forsvarskommisjonen av 1920 førte til ei ny forsvarsordning i 1927. Forsvarskommisjonen av 1946 med innstilling frå 1949 danna grunnlaget for gjenoppbygginga av det norske forsvaret. Forsvarskommisjonen av 1974 med innstilling frå 1978 vurderte plassutforminga, oppgåvene og strukturen til Forsvaret fram til 1990. FK-90 med innstilling frå 16. mars 1992 la grunnlaget for utvikling av forsvaret fram mot år 2000.