Ulvik vart eigen heradskommune frå 1838 i samsvar med formannskapslovene av 1837. Det første namnet var Graven formannskapsdistrikt, men i 1858 skifta Graven prestegjeld namn til Ulvik prestegjeld, og samstundes vart vart også namnet endra til Ulvik formannskapsdistrikt. Kommunen ligg i Hardanger i Hordaland fylke, og grensar i sør til Eidfjord kommune, i sørvest til Ullensvang, i vest til kommunane Granvin og Voss. I aust grensar Ulvik mot Hol kommune i Buskerud fylke og i nord mot Aurland kommune i Sogn og Fjordane fylke. Kommuneinndelinga: I samsvar med formannskapslovene av 1837 § 1 vart Graven formannskapsdistrikt oppretta og gjort gjeldande frå 1838. " I ethvert Præstegjeld paa Landet skal det være et Formandskab....." Matrikkellova av 1863 innførte nemninga herad for formannskapsdistrikt på landet. Heradskommune er også ei nemning som er brukt. I nyare tid er kommune den mest vanlege nemninga. Ved kgl.res. av 30.12.1857, gjeldande frå 1. januar 185, endra Graven prestegjeld namn til Ulvik prestegjeld, og samstundes vart vart også namnet endra til Ulvik formannskapsdistrikt. Ved kgl.res.av 06.12.1890 vart soknene Graven og Eidfjord skilde i frå til eigne heradskommunar. " hvorved er bestemt, at Ulvik herred i Hardanger og Voss fogderi, Søndre Bergenhus amt, fra den tid, som af amtmanden nærmere bestemmes, skal deles i 3 herreder, saaledes at hvert af sognene Ulvik, Graven og Eidfjord kommer til at udgjøre et eget herred." Ved kgl.res. av 21.07.1894 vart garden Bangsnes ført over frå Eidfjord heradskommune til Ulvik heradskommune. Kongelig resolusjon av 21. mars 1919 beskriv grenseoppgang mellom Ulvik herad og Aurland herad i Sogn og Fjordane - og - mellom Ulvik herad og Hol herad i Buskerud fylke. Skrivelse av 19. mai 1943 fra Innenriksdepartementet, hvorved etter § 1 i landkommuneloven bestemmes: " 1) Fra 1. juli 1943 blir eiendommen Vesle-Upset, gnr. 49 bnr.11 i Ulvik, ført over fra Ulvik herred i Hordaland fylke til Aurland herred i Sogn og fjordane fylke. 2) Vidare detaljer " Kjelder: Matrikkelen av 1838 ( for tinglaga) Departementstidende, Norsk lovtidende m.m. ( kgl.res.) Register over kyrkjebøker, Statsarkivet (prestegjeld- soknedeling) Register over lensmannsarkiv, Statsarkivet ( tinglag og lenmannsdistrikt)