Vossestrand vart eigen heradskommune frå 1868, då den vart utskilt frå Voss heradskommune. Frå 1964 vart Vossestrand kommune slått i saman att med Voss kommune. Kommunnen låg i Hordaland fylke og grensa til dåverande kommunar i sør til Voss og i vest til Evanger. I nord grensa kommunen i aust til Aurland kommune og i nord til Vik kommune i Sogn og fjordane fylke. Kommuneinndelinga: I samsvar med formannskapslovene av 1837 § 1 vart Voss formannskapsdistrikt oppretta og gjort gjeldande frå 1838. " I ethvert Præstegjeld paa Landet skal det være et Formandskab....." Matrikkellova av 1863 innførte nemninga herad for formannskapsdistrikt på landet. Heradskommune er også ei nemning som er brukt. I nyare tid er kommune den mest vanlege nemninga. Gjeldande frå 1866 var Vossestrand prestegjeld med soknene Vinje og Oppheim vorte utskilt frå Voss prestegjeld. I samsvar med formannskapslovene av 1837 /1860 § 1 vart Vossestrand eigen heradskommune gjeldande frå 1868, og fekk sams grenser med prestegjeldet. Ved kgl.res. av 24.07.1867 vart vedtaket i heradstyret om frådeling av Vossestrand til eigen heradskommune godkjent: " 1) At den af den felles Kommunebestyrelse for Voss og Vossestrandens Præstegjeld i søndre Bergenhus Amt under 17 Januar d.a. fattede Beslutning om Deling av Heredet i Henhold til Lov av 25 Februar 1860 § 1 approberes, saaledes at hvert av disse Præstegjelde fra 1 Januar 1868 at regne kommer til at udgjøre et eget Herred - dog med Forbehold af at denne Foranstaltning ingen virkning tillegges med Hensyn til den ifølge Lov av 6 Juni 1863 stedfindende Revisjon av Matrikulen." Gjeldande frå 1964/65 skjedde det store endringar i kommuneinndelinga i Hordaland, til liks med resten av landet. Ved kgl.res. av 2. mars 1962 vart det gjort dette vedtaket for Vossestrand heradskommune sitt vedkomande: " I medhald av mellombels lov av 21. juni 1956 om revisjon av kommuneinndelinga vert fastsett: 1) Kommunane Voss, Vossestrand og Evanger ( med unntak som nevnt under pkt. 2) i Hordaland fylke vert slegne saman til ein heradskommune. 2) Eksingedalen sokn av Modalen kommune og Evanger kommune sine områder i Eksingedalen (eigedomane under gnr. 31-38) og i Bergsdalen (eigedomane under gnr. 69-79 vert overført til Bruvik kommune i same fylke. 3) Tidspunktet for gjennomføring av desse inndelingsendrinane vert fastsett seinare." Kgl.res. av 19.april 1963 gav vedtak om tidspunkt og namn: " Kongeleg resolusjon av 19. april 1963 om at den ved kongeleg resolusjon av 2. mars 1962 vedtekne samanslåinga av Evanger, unnateke kommunen sine område i Eksingedalen og Bergsdalen, Voss og Vossestrand kommunar i Hordaland fylke til ein heradskommune blir gjennomførd frå 1. januar 1964. Namnet på den nye kommunen blir fastsett til Voss. " Kjelder: Matrikkelen av 1838 ( for tinglaga) Departementstidende, Norsk lovtidende m.m. ( kgl.res.) Register over kyrkjebøker, Statsarkivet (prestegjeld- soknedeling) Register over lensmannsarkiv, Statsarkivet ( tinglag og lenmannsdistrikt) 1997 ÅES